Buntis nakuryente, dedo

CAMARINES NORTE, Philippines — Hindi na nagawang masi­layan ng isang ama ang magiging unang anak maka­raang makuryente ang kanyang misis sa loob ng kanilang kuwarto sa Purok 3, Barangay Mangcruz sa bayan ng Daet, Ca­ma­rines Norte kamakalawa ng gabi. Hindi na nagawang ma­isalba sa Santissima Trinidad Hospital ang buhay ni Marites Igos, 24, anim na buwang buntis. Lumilitaw na nag­ha­han­da na sa pagtulog ang mag-asawa nang makuryente ang biktima habang isinasaksak sa electric outlet ang bentilador. Nagawa pang mailayo ng mister ang kanyang asawa sa pagkakahawak sa talop na linya ng kuryente subalit mabilis ang salubong ni kamatayan.