MANILA, Philippines - Nabahiran ng karahasan ang barangay at Sangguniang Kabataan polls matapos mapaslang ang dating Konsehal sa Barangay Sta. Cruz, Gapan City, Nueva Ecija kahapon.
Bandang alas-5 ng umaga habang kausap ni Elpidio Rueda, 58, ang mga kaibigang sina Florentino Esquivel, Narciso Malgapo at Arnel Constantino sa waiting shed nang lapitan at pagbabarilin ng dalawang lalaki na lulan ng itim na motorsiklo. Base sa police report, ang biktima ay dalawang beses na tinambangan ng mga kalaban nito sa pulitika kung saan nadale sa ikalawang pagkakataon.