Mister inambus

CAVITE, Philippines —Isang lalaki ang nasawi matapos itong tambangan ng 2 hindi na­kilalang suspek kama­ka­lawa ng hapon sa baran­gay Paliparan 3, Dasma­riñas City.

Sa natanggap na ulat ni Cavite Provincial Director Sr. Supt. Danilo Maligalig, ang biktima ay nakilalang si Francisco Dela Luna Jr., 32-anyos at nakatira sa Ma­buhay City, Brgy. Pali­pa­ran ng nabanggit na lugar.

Batay sa imbestigasyon ni PO2 Abesamis, dakong alas-2:30 ng hapon habang nagmamaneho ng motor­siklo ang biktima sa nasa­bing lugar ng tambangan ito ng 2 suspek.

Pinagbabaril ang bik­tima na nagtamo ng 2 tama ng bala na ikinamatay agad nito. Mabilis na tumakas ang mga suspek habang 2 basyo ng bala ng kalibre 45 ang narekober ng pu­lisya.