Kakandidatong baran­gay chairman inambush

MANILA, Philippines - Hindi pa man nagsisi­mula ang campaign period, isang dating Barangay Chairman na kakandidato muli sa posisyon sa baran­gay elections sa Oktubre 25 ang nasugatan maka­raang pagbabarilin ng hindi na­kilalang armadong lalaki sa bayan ng Bugallon, Panga­sinan kamakalawa.

Isinugod sa Trauma Hospital sa Dagupan City ang biktimang si Mario Uson, 55, dating Brgy. chair­man ng Bongalon.

Batay sa ulat na na­karating kahapon sa Camp Crame, naganap ang insi­dente sa kahabaan ng national highway sa hang­ganan ng Brgys, Magsay­say at Bongalon dakong alas-6:30 ng umaga.

Kasalukuyang lulan ang biktima ng kaniyang motor­siklo ng pagbabarilin ng isa sa dalawang lalaki na mag­kaangkas sa motorsiklo na armado ng cal. 45 pistol.

Pinaniniwalaan na­ mang may kinalaman sa nalalapit na eleksyon ang insidente habang patuloy ang im­bestigasyon sa kaso.