QUEZON, Philippines – Napaslang ang isang 40-anyos na opisyal ng kooperatiba matapos ratratin ng ‘di-pa kilalang lalaki sa harapan ng kanyang tahanan sa Don Abella Drive, Barangay 9 sa Catanauan City, Quezon, kamakalawa ng gabi. Nasapol sa ulo ng bala ng baril saka tumagos sa mukha ni Emmanuel Yuzon y Recaro, director ng Quezon Electric Cooperative. Ayon kay SPO2 Isagani Gonzales, papasok na ng gate ng bahay ang biktimang nakabisikleta mula sa pagsisimba nang lapitan sa likuran at pagbabarilin.