Pasahero binato sa bus, dedo

BULACAN, Philippines  — Isang 38-anyos na babae ang iniulat na na­sawi sa loob ng pam­pasa­herong bus matapos ba­tuhin ng tatlong lalaki na nairita sa pagbusina ng drayber sa bisinidad ng Ba­rangay Turo sa bayan ng Bocaue, Bula­can kama­kalawa ng gabi.

Hindi na nagising sa pagkakatulog si Elena So­sa ng Area 1, San Martin De For­res, Sapang Pa­lay sa San Jose Del Monte City, Bulacan matapos ta­maan sa batok ng mala­king tipak ng bato.

Naaresto naman ang tatlong suspek na sina Jeffrey Dela Rosa, 20; Jeric De Los Santos, 22; at si Rowin Tacorda, 22, pa­wang naka­tira sa nabang­git na ba­rangay.

Sa imbestigasyon ni PO3 Ferdinand Cabuhat, lumili­taw na nagalit ang tatlong suspek matapos businahan ng drayber ng Mersan Bus Transport (PWF143) na si Benjon Nofis.

Napag-alamang naka­tayo ang mga suspek na nag-uusap sa gitna ng kal­sada kung saan naabala ang pag-abante ng na­bang­git na bus.

Dito binusinahan ng dray­ber ang tatlo kaya na­ga­lit at binato ang pampa­sa­herong bus kung saan tina­maan naman ang naka­upong si Sosa.