MANILA, Philippines - Patay ang kapatid ni dating Moro Islamic Liberation Front (MILF) Spokesman Eid Kabalu matapos na pagbabarilin ng hindi pa nakilalang salarin sa Cotabato City nitong Biyernes ng gabi.
Kinilala ang biktima na si Nasser Kabalu na agad na binawian ng buhay sa tinamong mga tama ng bala sa likod, isa rito ay naglagos sa kaniyang puwitan.
Sa ulat na nakarating kahapon sa Camp Crame, naganap ang insidente bandang alas- 9:30 ng gabi sa bisinidad ng Brgy. Mother Bagua, Cotabato City.
Sa inisyal na imbestigasyon, kasalukuyang naglalakad ang biktima sa nasabing lugar ng pagbabarilin ng suspect gamit ang cal. 45 pistol.
Nagsasagawa na ng follow-up operations ang mga awtoridad sa kasong ito.