3 todas sa road mishap

MANILA, Philippines - Kamatayan ang suma­lubong sa mag-asawa at pamangking lalaki habang 23 iba pa ang sugatan maka­ra­ang magbanggaan ang pick-up truck at pam­pasa­herong bus sa highway ng Barangay Vitali sa Zam­boanga City, ka­maka­lawa ng gabi. Kabilang sa mga nasawi ay ang mag-asawang sina SPO1 Henry Capitaña, Perlita Capitaña at ang pamangking si Jerry Micheal Capitaña. Batay sa ulat na nakarating sa Camp Crame, lulan ng pick up truck ang tatlo mula sa bayan ng Kabasalan, Zam­boanga Sibu­gay nang suma­bog ang isa sa mga gulong nito. Dahil dito, na­walan ng kontrol sa mani­bela ang driver at nagpa­giwang-giwang sa kabilang linya hanggang sa bumangga sa kasalubong na pampa­saherong bus.