MANILA, Philippines - Napaslang ang isang chief Quarantine officer ng Bureau of Fisheries and Aquatic Resources (BFAR) makaraang ratratin ng mga ‘di-pa kilalang lalaki sa bisinidad ng Barangay Dadiangas West, General Santos City kamakalawa. Kinilala ang napatay na si Dante Dimerin kung saan naisugod pa sa St. Elizabeth Hospital sa General Santos City. Sa ulat na nakarating sa Camp Crame, tinambangan ang biktima sa panulukan ng Champaca at Zapote Streets dakong ala-una ng madaling-araw. Nabatid na ipinaparada ng biktima ang kaniyang puting Mitsubishi Strada pickup (MCR 893) nang lapitan at ratratin ang dalawang lalaki na lulan ng motorsiklo. Tinangka namang sumaklolo ng guwardiya ng ahensya pero binaril din subalit hindi tinamaan.