3 wanted arestado

CAMP BADO DANGWA, Benguet, Philippines  — Tatlo-katao na may mga kasong kriminal ang inaresto ng pulisya sa isinagawang follow-up operation sa magkakahiwalay na lugar sa Cordillera region, ayon sa ulat kahapon. Ayon kay P/Chief Supt. Vil­la­mor Bumanglag, director ng Cordillera PNP, si Patricio Baldemor ng Barangay Namit-ingan, Dolores, Abra ay dinakma sa bisa ng warrant of arrest na inisyu ni Judge Corpuz Alzate ng RTC Branch 1 sa Bangued, Abra. Samantala, si Tessie Bu­yayawe ng Sitio Tannibung, Barangay Pindongan, Kiangan, Ifugao ay inaresto naman sa bisa ng warrant of arrest na inisyu ni Judge Ivan kim Morales ng MCTC Lamut, Ifugao sa kasong adultery. Inaresto rin ng pulisya si Sonia Fernandez ng Barangay Lipcan, Bangued, Abra matapos mag-isyu ng warrant of arrest si Judge Redentor Valera sa kasong Estafa.