Pulis, 1 pa absuwelto sa pagpatay sa commentator

MANILA, Philippines - Pinawalang-sala ng Manila Regional Trial Court ang isang pulis at isa pa na inakusahang nasa likod ng pagpaslang sa isang ko­mentarista ng DZJC noong 2004, matapos hindi mag­tugma ang cartographic sketch sa testimonya ng isang testigo ng prose­kusyon.

Sa desisyon ni Judge Reynaldo Alhambra ng MRTC Branch 54, napatu­nayang inosente ang mga akusadong sina SPO4 Apo­lonio Medrano at ka­sabwat nitong si Basilio Yadao, sa pagpaslang kay Roger Mariano, announcer at komentarista ng DZJC sa Laoag City.

Nabatid na ang biktima na kilalang hard-hitting na komentarista dahil sa pag­batikos nito laban sa jue­teng operation at sa ire­gularidad sa lokal na electric cooperative ay pinag­ba­baril ng hindi na­kiki­lalang suspect sa Laoag City noong Hulyo 31, 2004, habang sakay ng kanyang motorsiklo.

Sina Medrano at Yadao ang itinurong nasa likod ng pagpatay at kinasuhan.

Nabatid na hindi uma­ no kinatigan ng hukom ang testimonya ng testi­gong si Alvin Turingan, na nakita niya ang mga aku­sado sa­kay ng van sa pamamagi­tan ng rogue picture gal­lery, sa halip ki­natigan ang testimonya ng depensa na impo­si­b­leng makilala ni Tu­ri­ngan ang mga aku­sado kung naka flash sa kanya ang headlight ng sasak­yan.