CAVITE, Philippines – Namatay ang isang 66-anyos na lolo habang kritikal naman ang dalawang kasama nito matapos masalpok ng truck ang kanilang motorsiklo sa highway ng Barangay Conchu sa Trece Martirez City, Cavite kamakalawa ng hapon. Si Jiven Arula ng #116 San Agustin, Trece Martirez City ay nasawi habang ginagamot sa General Aguinaldo Medical Hospital habang kritikal naman sina Mary Clair Servano, 15, ng B-11, L-41, South Ville 1, Brgy. Inocencio at Cristy Talisip, 15, ng Purok 3, Barangay De Ocampo. Naaresto naman ang drayber ng truck (TCC 510) na si Eduardo Turreza, 57, ng Bagbag Novaliches, Quezon City.