TUGUEGARAO CITY, Philippines — Umaabot na sa 15 mga dolphins kabilang na ang tatlong sugatan ang nailigtas ng mga mangingisda matapos mapadpad sa dalampasigan sa nasasakupan ng Santa Ana, Cagayan.
Ayon sa ulat ng Bureau of Fisheries and Aquatic Resources (BFAR), ang mga dolphins ay matagumpay na iniligtas ng mga mangingisda sa Barangay Palawig, Santa Ana kung saan kabilang ang tatlong sugatan na pinakawalan din matapos mabigyan ng kaukulang lunas.
Pananiniwalaan na ang mga napadpad na dolphins ay kabilang sa 18 school of 18 dolphins na namataan sa karagatan malapit sa Santa Ana free port.
Lumalabas na ang magkasunod na dalawang nakalipas na bagyo ang maari umanong dahilan kung bakit napadpad ang mga dolphins sa dalampasigan ng Cagayan. Agad naman na humingi ang mga residente ng Palawig sa pangunguna ni Nelson Morales ng tulong kay Dr. Elma Bermudez ng BFAR na siyang gumamot sa mga isda, bago ito muling pinakawalan sa dagat.
“Dolphins are among the most intelligent animals (which) deserve our utmost care not only that they are protected species,” paha yag naman ni Dr. Jovita Ayson, BFAR regional director ng Cagayan Valley.