ZAMBALES, Philippines — Dalawang kalalakihan na sinasabing notoryus karnaper ang naaresto ng pulis sa follow-up operation noong Biyernes sa Barangay Pamatawan, Subic, Zambales. Pormal na kinasuhan sina Jun-Jun Padilla, 21; at Joel Canlas, 23, kapwa nakatira sa Lopez Jaena St., Sta. Rita, Olongapo City. Sa ulat ni P/Senior Insp. Nelson Dela Cruz, nabawi naman sa mga suspek ang tinangay na traysikel na pag-aari ni Efren Peralta ng Barangay Rabanes sa bayan ng San Marcelino.