2 tiklo sa buy-bust

BULACAN , Philippines  — Dalawa-katao na sinasabing nag­papakalat ng bawal na droga ang nadakma ng pulisya sa magkahiwalay na buy-bust operation sa bayan ng Marilao at Malolos City, Bulacan kahapon.

Pormal na kakasuhan sina Eliodoro Perucho Jr., 30, ng Meralco Village, Brgy. Lias, Marilao at Abraham Ico, 32, ng Brgy. Santisima Trinidad, Malolos City. Si Perucho ay nadakip ng mga tauhan ni P/Supt. Lailene Amparo sa bahagi ng Brgy. Saog, Marilao.

Nasamsam sa suspek ang 5-sachet ang shabu, timbangan, P500 mark money at Izusu Crosswind (NUQ 133) na gina­gamit ni Perucho. Samantala, si Iso naman ay naaresto ng mga tauhan ni P/Supt. Baltazar Mamaril sa Brgy. Santisima matapos makumpiskahan ng kalahating kilo ng pinatuyong dahon ng marijuana.