MEYCAUAYAN CITY, Bulacan, Philippines — Naaresto ang isang tulak ng shabu sa isinagawang drug buy-bust operation sa Barangay Bancal Extension kamakalawa ng gabi.
Hindi na nakapalag pa sa mga tauhan ni P/Supt.Noli Pacheco ang suspek na si Leonardo Mental alyas Butchukoy 28, residente ng Yakal St. sa naturang lugar habang inaabot nito ang ilang gramo ng shabu na kanyang ibinebenta sa isang poseur buyer na pulis.
Base sa ulat na isinumite kay Provincial Director Sr. Supt. Fernando Villanueva, dakong alas-7:15 kamakalawa ng gabi ay nagsagawa ng isang buy-bust operation ang lokal na drug enforcement unit makaraang tumanggap ng reklamo laban sa pagbebenta ng droga ng suspek.
Narekober sa suspek ang ilang gramo ng shabu at drug paraphernalias sa isinagawang buy-bust operations.
Nakumpiska din sa suspek ang P1,500 na kinita sa pagbebenta ng shabu at marked money, isang replica ng 9mm na baril at apat na bala ng kalibre 38 baril.