2 obrero tinadtad ng bala

SAN JOSE DEL MON­TE CITY, Bulacan, Philippines — Da­la­wang obrero ang pinag­ba­­baril hanggang sa ma­patay ng limang kalala­ki­han ma­tapos paluhurin sa harap mismo ng kanilang bahay sa Barangay Ba­gong Bu­hay 1 sa siyudad na ito ka­ha­pon ng ma­da­ling-araw.

Namatay habang gina­gamot sa ospital ang mga bik­tima na sina Dello Pla­na 56, ng Bgy. Bagong Bu­hay 1 at Benigno Sabal­za 55, ng Barangay San Pe­d­ro na nagtamo ng ma­ra­ming tama ng bala ng baril sa katawan.

Malawakang manhunt operation naman ang isi­nasagawa ng pulis­ya la­ban sa mga suspek na sina Henry Barros, Boy Am­baet, Reynaldo Barros, Amado Cabanes at Melvin Ca­vanes na agad na tu­makas matapos ang pa­ma­maslang.

Base sa imbestigasyon ni PO2 Abraham Tagarino dakong ala-1:30 ng ma­da­ling araw nang maganap ang krimen. Papasok na sa trabaho ang mga bik­ti­ma nang biglang hara­ngin ng limang suspek.

Dito ay pinaluhod ng mga suspek ang dalawa at pina­ulanan ng bala sa iba’t ibang bahagi ng kata­wan.

Batay sa inisyal na im­bes­­tigasyon lumilitaw na away sa pagkapa­ngu­lo ng aso­sas­yon ang sina­sa­bing motibo ng pama­mas­lang.       

Nareko­ber sa pinang­ya­­rihan ng krimen ang wa­long basyo ng bala mula .45 ka­­libre ng baril at tatlong bas­­yo naman mula sa 9mm ng baril.