3 katao tiklo sa droga

BULACAN , Philippines  — Tatlo-katao kabilang ang isang walong buwang buntis ang naaresto ng mga awtoridad sa isinagawang drug bust operation sa magkahiwalay na ope­ration kahapon ng madaling-araw sa lalawigan ng Bulacan.

Kabilang sa mga suspek na inihahanda na ang kaukulang kaso ay sina Maristel Cantillan, 32, ng Brgy. Tuktukan, Guiguinto, 8-buwang buntis; Winnie Alvaro, 37, ng Brgy. Panginay, Balagtas at Raymond Cruz, 40, ng Brgy.Caingin, Bocaue.

Sina Cantillan at Alvaro ay naaresto sa bisinidad ng Brgy.Tuktukan habang si Cruz naman ay nadakma ng mga tauhan ng Drug Enforecement Unit ng Bocaue PNP sa bahagi ng Brgy. Caingin. Narekober sa tatlong suspek ang 9-plastic sachets ng shabu at P2,500 na ginamit sa bust-bust operation.