2 bagitong pulis pararangalan

LUCENA CITY, Que­zon, Philippines — Nakatakdang para­ngalan ng Quezon Police Provincial Office ang da­lawang bagi­tong pulis-Lucena na sina­sabing tu­­manggi sa iniaalok na ma­laking halaga ng isang mi­yembro ng Budol-Budol Gang para makalaya mata­pos ares­tuhin at isinama sa kaniyang tatlong nauna nang naaresto, kama­kalawa.

Ayon kay P/Supt. Pas­cual Munoz, hepe ng pulisya sa Lucena City, isang ma­laking accomplishment na maitu­turing ang ginawa nina PO1 Ro­land Roxas at PO1 Jirald Jinie Simeon at mag­lalagay muli sa mataas na paningin ng pulisya.

Nabatid na nilapitan ang da­lawang pulis ng isang mi­yembro ng gang na si Re­becca dela Pena kaugnay sa pagkakaaresto sa tat­long suspek na sina Anielyn Roger, Lina Fajarda at Ruel de Castro.

Inalok ng suspek ang dala­wang pulis na bibigyan ng tig-P10,000 kapalit ng kalayaan ng tatlong kasa­ma­­han niya sa gang subalit tumanggi ang mga pulis at sa halip ay di­nakip si de la Pena at isinama sa selda ng tatlo.