Natigok sa pakikipagtalik

BULACAN, Philippines — Sa halip na pansamantalang kali­gayahan ang madama ay kamatayan ang suma­lu­bong sa isang retiradong kawani ng kom­panya ma­karaang atakihin sa puso habang nakikipagtalik sa isang babae sa loob ng motel sa Barangay Lolom­boy sa bayan ng Bocaue, Bulacan kahapon ng ha­pon.

Kinilala ni P/Supt. Ro­nald De Jesus ang nasawi sa sarap na si Victor Brio­nes, 54, retiradong kawani ng Meralco at nakatira sa Meralco Village, Brgy. Lias habang nakilala naman ang kasamang babae sa loob ng kuwarto na si Anna Camille Evangelista, 22, ng Brgy. Saog, Marilao, Bu­lacan.

Base sa imbestigasyon ng pulisya, nadiskubreng patay na ang biktima nang tumawag sa himpilan ng pulisya ang roomboy ng Romella Court.

Lumilitaw sa imbes­ti­gasyon na may ininom na kap­sula ang biktima bago nakipagtalik sa babae.

Dito na nakaramdam ng paninikip ng dibdib ang biktima habang nakikipag-sex hang­gang sa tuluyang bumigay.

Naisugod pa sa Mount Carmel Hospital subalit idi­nekaraang patay ang bik­tima kung saan sina­sabing na­sobrahan sa pam­pa­gana sa sex.