MANILA, Philippines - Isang trekker ang iniulat na nasawi matapos na mahulog mula sa tuktok ng Guintubdan Falls sa Barangay Ara-al La Carlota City, Negros Occidental noong Mar tes. Kinilala ni P/Supt. David Cachumbo, ang namatay na si Pedro Devino Jr. ng Brgy. Tabunan sa Bago City. Base sa ulat, umaakyat sa mabatong bundok ang biktima kasama ang mga kaibigan nang mawalan ng balanse. At nahulog mula sa may 60 hanggang 70 metrong lalim ng talon na sa kamalasan ay lumagapak ang katawan nito sa batuhan. Nabigong mailigtas pa ang biktima na hindi na naagapan sa Don Salvador Benedicto Memorial Hospital matapos na isugod ng kaniyang mga kaibigan.