Mayor, 4 alalay laya sa P3-milyong ransom

MANILA, Philippines - Pinalaya na ng mga rebeldeng New People’s Army ang dinukot na al­kalde at apat na security escorts kahapon ng ma­daling-araw sa bisi­nidad ng Sitio Pamian, Barangay Bogac, sa bayan ng Li­ngig, Surigao del Sur.

Kabilang sa mga pina­laya ay sina Lingig Mayor Roberto “Jimmy” Luna Jr., Pfc Johnrey Abao, Pfc Arnel Dizon na naka­talaga sa Army’s 58th Infantry Battalion; PO2 Jose de Castro at PO2 Alan Dapit­napon.

Kaugnay nito, inihayag ni Major General Mario Chan, commander ng Army’s 4th Infantry Division, nakatanggap sila ng impormasyon na humingi ng P3 milyong ransom at mga baril ang mga re­belde kapalit ng pagpa­palaya sa mga biktima.

Pormal namang kaka­su­han ang grupo ng mga rebeldeng responsable sa pagbihag sa mga biktima noong Mayo 5 sa hang­ganan ng Trento, Agusan del Sur at Monkayo, Com­postela Valley.

Kasunod nito, kina­lam­­pag din ang NPA na pa­la­yain na ang tatlo pang sun­dalo at isang Cafgu na dinu­kot sa Ma­wab, Com­pos­tela Valley noong Mayo 12.

Sa kasalukuyan ay pa­tuloy ang search and rescue operations sa mga bihag na sina Corporals Marcial Bawagan, Ariel Asumo, Eduardo Alcala at ang Cafgu na si Victor Pitogo.