RIZAL, Philippines — Dahil sa pambabastos ng babae ay pinagsasaksak hanggang sa mapatay ng dalawang kalalakihan ang isang senglot na mister kamakalawa ng madaling-araw sa bisinidad ng Barangay Guitnang Bayan 2 sa bayan ng San Mateo, Rizal. Ideneklarang patay sa Amang Rodriguez Medical Center si Joseph Christopher ng Santos Buenaviaje, Motalogo Street, ng nabanggit na barangay. Isa sa dalawang suspek ay nakilalang si John Jericho Neri ng Kambal Road, Brgy. Guitnang Bayan Uno. Nabatid na inabot na ng madaling-araw ang pag-iinuman ng grupo ni Christopher nang mapadaan si Neri kasama ang isa pang lalaki at babae. Nagbiro si Christopher sa grupo ng suspek kung saan nabastos ang babae, kaya kinompronta ni Neri ang biktima hanggang sa mauwi sa pamamaslang.