CAMP SIMEON OLA, Legazpi City, Philippines — Umabot sa 1,300 sakong smuggled arina ang nasamsam ng pulisya sa inilatag na checkpoint sa Barangay Tabugon sa bayan ng Sta, Elena, Camarines Norte kamakalawa ng hapon. Wala naman maipakitang kaukulang dokumento ang drayber ng trak (REN620) na si Tony Esteban. Ayon kay PO2 Alberto Pamilaran, patungo sana sa Maynila ang trak nang masabat sa checkpoint kung saan nasa custody ng pulisya ang illegal na kargamento.