Poster nina Satur minarkan ng 'NPA ito'

SAN FERNANDO, Pam­panga, Philippines — Ibinibintang ng Ka­bataan partylist sa Northern Luzon Command ng Armed Forces of the Philippine ang mga markang “NPA ito” na isinapaw sa mga political poster ng mga militanteng kandidatong senador na sina Satur Ocampo at Lisa Masa sa Ilocos region.

Sinabi pa ng provincial coordinator ng Kabataan na si Janice Bugasto na nagpapa­dala rin ang Nolcom ng sulat sa mga lokal na kandidato sa rehiyon para bantaan ang mga ito laban sa pagsuporta sa mga progresibong kan­didatong senador at partylist group. Inaakusahan din ng sulat sina Ocampo at Masa ng pagkakasangkot sa pagpatay sa maraming miyembro ng New People’s Army na hinina­lang deep penetration agent ng militar. Ilang lokal na kan­didato rin anya sa Pampanga at Zambales ang nakatang­gap ng sulat na nagbabanta sa kanila laban sa pagsuporta kina Ocampo at Masa.

Mariin namang pinabu­laanan ng tagapagsalita ng Nolcom na si Major Rosendo Armas ang akusasyon ng Kabataan.