Army Major itinumba

MANILA, Philippines - Patay ang isang opisyal ng Philippine Army mata­pos na pagbabarilin ng hindi pa naki­lalang mga armadong salarin sa naganap na ambush sa Zamboanga City ka­ma­kalawa.

Kinilala ang biktima na si Major Javier Ignacio, 48, na­katalaga sa AFP-Western Min­danao Command (AFP-West­min­com) at resi­dente ng Brgy. Kasan­yangan ng lung­sod.

Batay sa report na naka­rating kahapon sa Camp Cra­me, naganap ang insidente sa harapan ng GSIS sa kaha­baan ng Baliwasan Moret ng lungsod bandang alas-9 ng gabi. Ayon sa imbestigas­yon, ka­­salukuyang lulan ng kan­yang motorsiklo si Ignacio na may JO 2487 at patahak ng Canelar airport galing ng AFP-West­mincom headquarters sa Brgy. Calarian ng mangyari ang insidente.

Agad umanong dinikitan ng dalawang mga arma­dong suspect na sakay din ng mo­torsiklo ang biktima pagsapit sa lugar.

Dead-on-the spot ang bik­tima matapos ma­sapul ng mga tama ng bala ng cal. 45 pistol sa kata­wan.

Nagsasagawa na ng ma­lawakang imbesti­gasyon ang mga awtoridad sa ka­song ito. Joy Cantos