P.8M nalimas sa supermart

SOLANO, Nueva Viz­caya , Philippines  — Nilooban ng mga hin­di pa nakikilalang grupo ang pinakamalaking supermarket sa bayan ng So­lano, Nueva Vizcaya kama­kalawa ng madaling-araw.

Ayon sa ulat ng pulisya, dakong alas-4 ng mada­ling-araw nang pasukin ng mga ‘di-pa kilalang kalala­kihan ang Son Miguel (SM) Supermart matapos igapos ang guwardiya na naka-duty sa nasabing establi­s­yemento.

Sa imbestigasyon ni SPO1 Dexter Divad ng Solano PNP, dumaan ang mga magnanakaw sa mis­mong harapan ng supermarket matapos sirain ang mga padlock at ta­ngayin ang mga cash at mga ma­mahaling paninda sa loob ng mart.

Ang halaga ng pera na nakuha sa loob ng kaha ay tinatayang aabot sa P.5 milyon hanggang P.8 mil­yon subalit nilinaw ng pu­lisya na hihintayin pa nila ang official na inventory upang malaman kung mag­kano ang nakuha kabilang na ang halaga ng mga pa­ninda na tinangay ng mga magnanakaw.

Sa kasalukuyan ay nag­sasagawa pa ng imbesti­gasyon ang pulisya sa tulong ng guwardiya na nagsabing mamumukhaan niya ang mga kawatan kung makikita niya ang mga ito. Victor Martin