Lider ng KFR, 1 pa dedo sa bakbakan

ZAMBOANGA CITY , Philippines  — Dalawa-katao kabilang ang lider ng kidnap-for-ransom gang ang napatay ng mili­tar habang dalawang iba pa ang nasugatan sa naga­nap na bakbakan noong Sabado ng madaling-araw sa bayan ng Sumisip, Ba­silan.

Kinilala ang mga napas­lang na sina Abugao Ba­yali, notoryus na lider ng kidnap-for-ransom gang at Hudan Asarul.

Si Bayali ay sinasabing kumander ng lost command ng Moro Islamic Libe­ration Front na may ugnayan sa mga bandi­dong Abu Sayyaf Group habang si Asarul ay civilian volunteer at kaanak ni Sumisip Mayor Haber Asarul.

Sugatan naman sina Asarul Abdulmunir at Amad Kabung na kapwa miyem­bro ng Citizen Armed Forces Geographical Unit.

Lumilitaw na nagpa­patrolya ang mga kawal ng Cafgu kasama si Asarul nang makasagupa ang grupo ni Bayali sa Sitio Telling sa Barangay Central.

Tumagal ng 30-minuto ang bakbakan saka uma­tras ang mga rebelde bitbit ang sugatang si Bayali at sinasabing namatay dahil sa mga tama ng bala ng baril. Joy Cantos