2 pulis tinodas ng Sayyaf

MANILA, Philippines - Dalawang pulis ang ini­ulat na napaslang sa pani­bagong paghahasik ng terorismo ng mga ban­didong Abu Sayyaf Group sa Zamboanga City at Su­lu, ayon sa ulat kahapon.

Sa police report na na­karating sa Camp Cra­me, si PO2 Marlon Alday, 27, ng Regional Mobile Group-4A ay naglalakad patungong palengke nang ratratin ng mga bandido sa bisinidad ng Barangay Walled City, Jolo, Sulu.

Samantala, si SPO1 Pendatun Jahama, 37, ng Panglima Sugala PNP station ay pinagbabaril ng mga armadong kalalakihan habang palabas ng KFC Restaurant sa kahabaan ng Gov. Camins Avenue sa harapan ng 3rd Cup Restaurant sa Zamboanga City.

Kaagad na tumakas ng dala­wang armardong kala­lakihan na lulan ng motor­siklo kung saan idineklara namang patay si SPO1 Jahama sa Western Min­da­nao Medical Center.

Tinamaan naman ng li­gaw na bala ng baril ang ne­gosyanteng si Jan Ab­durahim, 50, ng Bonga, Tawi-Tawi.