BULACAN , Philippines — Limang sibilyan kabilang na ang tatlong menor-de-edad na babae ang inaresto ng pulisya matapos na maaktuhan sa pot session kamakalawa ng gabi sa madilim na bahagi ng pampublikong palaruan sa Barangay Lambakin sa bayan ng Marilao, Bulacan.
Kabilang sa mga suspek na naaresto ay sina Ariel Halasan, 28, traysikel drayber, ng Brgy. Calvario, Meycauayan City; Renz Rienier Montemayor, 20, at ang tatlong menor-de-edad na babae na pawang nakatira sa Northville 4, Brgy. Lambakin sa bayan ng Marilao.
Narekober kay Halasan ang18 piraso ng sachet ng marijuana, rolling papers, iba pang drug paraphernalias at motorsiklo (9184-RK). Boy Cruz