CAMP SIMEON OLA, Legazpi City, Philippines — Pinagtataga hanggang sa mapatay ang isang mister ng kanyang ka-live-in partner kung saan ibinaon pa ito sa loob ng kanilang bahay sa Barangay Tugos sa bayan ng Paracale, Camarines Norte, ayon sa ulat kahapon. Natagpuan ng kanyang mga kapitbahay ang nangangamoy na bangkay ni Rodel Dela Cruz habang tugis naman ng pulisya ang live-in partner nito na si Lolita Rivera. Huling namataang buhay ang biktima noong Linggo ng gabi (Pebrero 28) matapos na makipag-away sa kanyang ka-live-in kung saan naulinigang sumisigaw at humihingi ng saklolo. Nadiskubre ang bangkay matapos na kalkalin ng aso ang pinaglibingan sa biktima sa loob ng bahay kung saan nakuha ang itak na may bahid pa ng dugo. Ed Casulla