Van vs bus: 7 katao todas

BATAAN, Philippines — Pito katao ka­bilang na ang dalawang Koreano ang iniulat na namatay habang isa pa ang malubhang nasugatan makaraang sumalpok ang van sa pampasaherong air­con bus sa kahabaan ng Roman Highway sa Ba­ran­gay Duale, sa bayan ng Li­may, Bataan kamaka­lawa ng gabi.

Kabilang sa mga nasawi na pawang kawani ng D 1 Dawn Patrol Manufacturing Corp. sa Bataan Economic Zone ay sina Warren Shin, SK Joe, kapwa Koreano at production manager; Daisy Hermoso, 29; Mary Rose Her­moso, 21, kapwa naka­tira sa Binukawan, Bagac; Eimee Balingit, Armie Dio­niso, mga residente sa Ba­rangay Maligay, Marive­les, at si Michelle Dulatre.

Samantala nasa kritikal na kalagayan sa St. Joseph Hospital si Marivel Margia, 21, ng Balon Anito, Marive­les habang sugatan naman si Jonathan Bagtas, 29, ng Barangay Townsit Limay.

Sa imbestigasyon ng pu­lisya, lumilitaw na ti­na­tahak ng van na may pla­kang ZMR-969 ang kaha­baan ng highway patungo sa Balanga City mula sa bayan ng Mariveles nang makasalubong ang Ge­nesis aircon bus (TVV 308) na minamaneho ni Leo­nardo Callejo, 42, ng Brgy. Balon Anito, Mariveles.

Napag-alamang nag-overtake ang van ni Shin sa motorsiklo ni Romeo Artuz nang makasalubong si ka­matayan. Maging ang mga ba­hay nina Edgardo Pado­lina at Cresencio Balderama na nasa gilid ng highway ay inararo ng sasakyan.