2 Tsinong kinidnap nasagip

MANILA, Philippines - Dalawang negosyan­teng Tsino na sinasabing 3-bu­wang binihag ng mga ban­didong Abu Sayyaf Group ang nailigtas ng mga pulisya sa isinagawang follow-up operation sa bayan ng Sumi­sip, Basilan noong Biyernes ng gabi.

Kinilala ni P/Chief Supt. Bienvenido La­tag, officer -in-charge ng Autonomous Region in Muslim Min­ danao PNP ang mga bihag na sina Mi­chael Tan at Oscar Lu.

Sinalakay ng mga awto­ridad ang kubong pinagta­ta­­guan sa dalawang bihag sa Barangay Binembengan, dakong alas-8:10 ng gabi kamakalawa.

“This is a result of cons­tant pressure and combat operations against the ab­duct­ors by combined forces of the PNP and AFP in the area,” giit naman ni PNP spokesman Chief Supt. Leonardo Espina.

Walang kapalit na ransom ang pagpa­palaya sa dala­wang bihag bagaman may mga ulat na nagbayad ng board and lodging ang mga biktima.

Nauna nang humingi ng P25 milyong ransom ang grupo ni Abu Sayyaf Commander Furuji Indama sa pamilya ng mga bihag na naibaba sa P13 milyon kapalit ng pagpa­palaya.

Ang dalawang Tsino at ang security guard na si Mark Singson ay binihag ma­tapos salakayin ang Hi-Tech Plywood Corp. sa Brgy. Townsite, sa bayan ng Ma­luso, Basilan noong Nob­yembre 10.

Gayon pa man, si Sing­son ay pinu­gutan noong unang Linggo ng Disyem­bre matapos mabigong magba­yad ng P1.5 milyong ransom kung saan nare­kober ang ulo nito sa Plaza Ri­zal ng Isabela City, Ba­silan. Joy Cantos