MANILA, Philippines - Dahil sa brownout, dalawang magkapatid na minero ang nasawi habang dalawa pa ang nawawala matapos ma-suffocate sa loob ng isang tunnel nang minahan ng ginto sa T’boli, South Cotabato kamakalawa ng gabi.
Ang mga biktimang sina Toto at Gary Olin ay natagpuang walang buhay sa gold mining tunnel sa Sitio Tunnel sa Barangay Kematu sa bayan ng T’boli.
Patuloy namang hinahanap ang dalawa pa nilang mga nawawalang kapatid na sina Boy at Adel Olin. Bigla umanong nagkaroon ng power failure sa lugar dahilan upang mawalan ng supply ng oxygen ang mga biktima habang nasa loob ng tunnel.
Sinasabing sanhi ng insidente ay kinapos ang mga ito ng paghinga na siyang naging dahilan ng kanilang kamatayan. Joy Cantos