1 todas sa agawan sa puwesto

BOCAUE, Bulacan, Philippines — Isang tindero ang binaril nang malapitan at napatay ng kapwa niya tindero nang mag-agawan sila sa puwesto sa paligid ng itinatayong paleng­ke sa MacArthur Highway, Barangay Caingin sa bayang ito kahapon ng madaling-araw.

Kinilala ni P/Supt.Ronald De Jesus ang biktima na si Reynaldo Rivera, 42, resi­dente ng Barangay Antipona sa bayang ding ito.

Hindi pa matukoy habang isinusulat ito ang pangalan ng salarin.

Ayon sa imbestigasyon, nagtalo ang asawa ng bik­tima na si Nora Rivera, 39, at ang suspek na isa ring tindero hing­gil sa paglalagay ng puwesto ng itinitindang mga iba’t ibang kalakal at upang hindi na humaba pa ang usa­pan ay sumabat si Reynaldo na hintayin na la­mang ang kolektor ng pa­lengke upang mapatunayan kung sino ang dapat ma­punta sa pinag-aagawan ni­lang pwesto.

Nang usisain ng kolektor ng kani-kanilang ebidensya ay agad nagpakita ng resibo si Reynaldo habang wala namang maipakita ang sus­pek na nadismaya at umalis na lang.

Gayunman, pagkaraan ng ilang oras, bumalik ang sus­pek at binaril ang biktima ha­bang nagtitinda ito sa natu­rang lugar. Boy Cruz