Magkalabang lider pulitiko nagkaisa sa gun free zones

MANILA, Philippines - Umaabot sa 30 lider pu­litiko, political wannabees kabilang ang dalawang magkalabang gubernatorial bet ang himalang nag­kaisa para sa pagpapatu­pad ng gun free zones sa Sulu na naglalayong mati­yak ang mapayapa at ma­linis na halalan sa Mayo.

Ito’y upang maiwasan ang pagdanak ng dugo sa pagitan ng kampo nina Sulu Governor Abdusakur Tan at ng kalaban sa gubernatorial race na si Rep. Munir Arbison ng ikala­wang distrito ng Sulu dahil magsisimula na ang campaign period sa susunod na linggo.

Napag-alamang bumi­sita si DND Sec. Norberto Gon­zales at kapwa pinu­long ang grupo nina Tan at Arbison kaugnay sa papa­iralin gun free zones sa ka­pitolyo ng Jolo, Sulu.

Dahil naman sa kani­yang matagal ng ugnayan sa mga Tausug ay kapwa nakumbinse ang dalawang magkalabang gubernatorial bet kung saan kapwa lumagda ng peace cove­nant para matiyak ang katahi­mikan ng eleksyon.

Sa ilalim ng gun free zones ay hindi maaring magpasok ng mga baril sa Jolo na sentro ng kala­kalan. Joy Cantos