AFP vs NPA: 14 Army na todas

BAYOMBONG, Nueva Vizcaya , Philippines  — Umaabot na sa 14 sundalo ng Phil. Army ang kumpirmadong napa­tay sa magkakahiwalay na sagupaan laban sa mga rebeldeng New People’s Army sa Northeastern Luzon.

Sa tala ng militar, ilang sundalo mula sa Army’s 502nd Infantry Brigade ang nasawi matapos ang ma­dugong sagupaan laban sa NPA sa liblib na bahagi ng Barangay Ueg, sa bayan ng San Mariano, Isabela kahapon.

Noong Miyerkukes ng Enero 27 nakasagupa ng militar ang mga rebelde sa Mt. Province, kung saan li­mang sundalo ang na­pas­lang kung saan sinun­dan naman sa Abra at Ka­linga na nagresulta sa pag­ka­sawi ng limang iba pa.

“Our casualties are normal results of our intensified campaign against the remaining armed rebels in the areas. These incidents do not mean that the insurgency is gaining strength,” pahayag ni Col. Loreto Magundayao ng 5th Infantry Division.

“They are only out to use these encounters for possible propaganda value to make an impression that they are still a force to reckon with, possibly in con­nection with the coming elections,” dagdag ni Ma­gundayao. Victor Martin