CAMP SIMEON OLA, Legazpi City , Philippines — Isang 56-anyos na kapitan ng Barangay Bartolabac sa San Jacinto, Masbate na si Danilo Amor ang pinagbabaril hanggang mapatay ng isang hindi pa nakikilalang salarin habang naghahapunan siya sa harap ng kanyang asawa sa kanilang bahay sa Rawis St., Barangay District Poblacion ng naturang bayan kamakalawa ng gabi. Hinihinalang may kinalaman sa pulitika ang pamamaslang dahil kilalang tagasuporta ng isang kandidato sa nalalapit na halalan ang biktima. Ed Casulla