3 magkakapatid napariwara: Faith healer, rapist pala

SAN JOSE DEL MON­TE CITY, Bulacan , Philippines  — Ma­a­gang napariwara ang pag­ka­babae ng tatlong magka­kapatid na babae maka­ra­ang halinhinan itong gaha­sain ng isang 60 anyos na faith healer sa loob ng bahay nito sa Ba­rangay Minuyan 4 sa ba­yang ito sa magka­kahiwa­lay na insidente.

Sa ulat ni P/Supt. Ed­win Quilates kay OIC Provincial Director P/SSupt. Edgardo Tinio kinilala ang mga bik­tima na itinago sa mga pa­ngalang Mimi, 14 taong gu­lang; ka­kam­bal niyang iti­nago din sa pangalang Sweety; resi­dente ng Mi­nuyan at ka­patid na si Tweety, 15 anyos. Ang mga biktima ay pawang nag-aaral sa high school.

Agad namang sinam­pa­han ng kasong multiple rape ang suspek na si Juliano Daz, biyudo, tubong-Samar at residente ng Minuyan 4.

Kasalukuyang pinagha­ha­nap na ng pulisya ang suspek upang papanagutin sa kri­men.

Ayon sa magkaka­hi­wa­lay na salaysay ng kam­bal, unang hinalay ang na­kaba­batang biktima noong Ma­yo at Hulyo 2008 sa loob ng ba­hay ng suspek ha­bang na­tutulog ito sa loob ng kuwarto kasama ang anak ng suspek na menor de edad din.

 Ang nakatatanda naman ay ginahasa nuong buwan ng Hunyo 2009 sa loob din ng bahay ng suspek at dahil sa pananakot ng sus­­pek sa mga ito ay si­narili na lamang nila ang kani-kanilang kara­nasan hang­gang sa paulit-ulit na silang gahasain.

Nabisto lamang ang pang­yayari nang hindi na ma­ka­yanan ang problema ng kam­bal at agad na ipinag­tapat sa kanilang ama ang pang­yayari hang­gang sa ma­tuklasang pati si Mimi ay ginahasa na din ng suspek at pinanga­kuan pang paka­kasalan ito ngu­nit dahil sa kahihiyan ay nagla­yas ito at patuloy na pinagha­hanap ng kanilang mga magulang. Boy Cruz