Clan war: 4 todas, 17 bahay sinunog

MANILA, Philippines - Apat-katao ang kumpir­madong nasawi, lima ang nasugatan habang aabot naman sa 17 bahay ang si­nunog sa naganap na dig­maan ng magkalabang ang­kan sa pagitan ng mga rebeldeng Moro Islamic Liberation Front at ng grupo ng konsehal sa ba­yan ng Saudi Ampatuan, Maguindanao kama­kala­wa.

Ayon sa Army’s regional spokesman na si Major Randolph Cabangbang, kabilang sa mga nasawi ay mga tauhan ni Commander Basco ng MILF 105th Base Command.

Sa ulat na nakarating sa Camp Crame, sumiklab ang madugong bakbakan matapos nagpangabot ang magkalabang angkan ni Basco at ni Tamano Mama­lapat sa bahagi ng Sitio Bulatukan, Brgy. Kitapok.

Samantala, nasa 17 ka­bahayan naman ang na­sunog sa nasabing insi­den­te ng clan war.

Nabatid pa na ang gru­po ng konsehal ang suma­lakay sa angkan ni Commander Basco kung saan simula pa noong 2003 ay mainit na ang rido ng mga ito.

Binigyang diin pa ng opisyal na hindi hahayaan ng tropa ng pamahalaan na makaapekto sa peace talks sa pagitan ng ilang lider ng MILF rebs at ng mga kala­ban angkan sa Maguin­danao.