Lola inakyat-bahay, dedo

MARILAO, Bulacan, Philippines — Kalunos-lunos ang sinapit ng isang 71-anyos na lola ma­karaang patayin ito ng mga hinihinalang miyem­bro ng akyat bahay gang at tangayin pa ang mga ma­hahalaga nitong ari-arian sa kanyang bahay sa Ba­rangay Poblacion ll sa bayang ito kamakalawa ng gabi.

Kinilala ang biktima na si Carmelita Maula, biyuda at residente ng Cons­tan­tino Subdivision, Brgy. Poblacion ll.

Nakagapos pa ang kan­yang mga kamay sa likod ng isang mahabang alambre, may busal ng basahan ang kanyang bibig at hinihinalang sina­kal ito hanggang sa ma­matay nang matagpuan ito.

Base sa imbestigasyon, dakong alas-8:00 ng uma­ga dumating sa him­pilan ng pulisya ang anak ng bik­tima na si Gerardo, 40, upang iulat na natagpuan niya ang kan­yang ina na nasa loob ng kanyang kuwarto na wala nang buhay at magulo ang mga kagamitan parti­kular ang aparador na pinaniniwala­ang nakatago ang mga pera at alahas ng biktima.

Natagpuan ng pulisya sa likurang bahagi ng ba­hay ng biktima ang isang hagdanan na pinaniniwala­ang ginamit upang maka­pasok ang mga suspek sa loob ng bahay nito.

Ayon pa sa ulat, posib­leng natunugan ng mga salarin na nag-iisa lamang ang biktima sa kanyang bahay.

Kasalukuyan pang ina­alam kung magkano ang halagang natangay sa biktima at posibleng pag­kakakilanlan ng salarin na hinihinalang mga miyem­bro ng akyat-bahay gang. Boy Cruz