2 trader dedo sa sumabog na paputok

NUEVA ECIJA, Philippines — Dala­wang negosyante ang iniulat na namatay habang 10 iba pa ang nasugatan ma­karaang sumabog ang ibi­nebentang paputok na tu­mupok sa ilang tindahan sa Science City of Muñoz, Nueva Ecija noong bispe­ras ng Bagong Taon.

Kinilala ang mga nasawi na sina Diosdao Santos Jr., 50 at Angelito Nuque, 50, kapwa residente ng Ba­rangay Poblacion West. Naisugod naman sa Dr. Paulino J. Garcia Memorial Hospital sa Cabanatuan City ang mga sugatang sina Antonio “Jun-Jun” Sy, reporter ng GMA7; PO3 Jonathan Romero ng Provincial Special Reaction Team ng Nue­va Ecija PNP; Maurine Lacambra, Roel Famu­lacano, Margarita Santos, Jervy Alputan, Gina Bu­laong 43, Lolita Calara, 42 at si Albert Natividad.  

Sa police report, lumili­taw na nagsimula ang apoy sa stall #21 ng pamilihang bayan sa A. Tobias St., Ba­rangay Poblacion West kung saan sinasabing may nag-testing ng paputok bago ang sunud-sunod na pagputok.

Nabatid pa na kasalu­kuyang iniinspeksyon nang mga oras na iyon ng grupo ng PSRT ang nasabing lugar upang siguruhing walang nagbebenta ng mga ilegal na paputok. Christian Ryan Sta. Ana