MANILA, Philippines - Hindi na umabot ng Bagong Taon ang apat na sibilyan matapos na makasalubong si kamatayan sa naganap na road mishap sa Marcos Highway sa Sitio Bontiwey, Brgy. Poblacion sa bayan ng Tuba, Benguet noong Martes ng gabi.
Kabilang sa mga nasawi ay sina Pio Consentino, Rolando Alcantara, driver ng truck; Jonjon Sabili at si Albert Flora na pawang nakatira sa Pasig City, Metro Manila. Naisugod naman sa Baguio City General Hospital sina Laura Castro, 43; Catherine Casto, 25; at si Aida Mistang.
Lumilitaw na bumabagtas sa kahabaan ng Marcos highway ang Forward truck (WGG 772) na minamaneho ni Carag nang mawalan ng preno. Nagtuluy-tuloy na bumangga ang trak na may lulang 7,000 kilong gulay sa mabatong gilid sa paanan ng bundok na ikinasawi at ikinasugat ng mga biktima. Joy Cantos