2 hayjaker ng oil tanker arestado

BULACAN , Philippines   — Dalawa sa tatlong kalalakihan na isinasangkot sa oil tanker hijacking sa McArthur highway sa North Luzon Ex­pressway ang inaresto ng mga awtoridad sa isina­gawang dragnet operation sa bisi­nidad ng Barangay Abagan Sur sa bayan ng Marilao, Bula­can kaha­pon.

Sumasailalim na sa tactical interrogation at pormal na kakasuhan ang mga sus­pek na sina Raymond Lo­pez, 24, ng Brgy. Iba O’Este at Randay Oca­nada, 31, ng Brgy. Cora­zon pa­wang sa bayan ng Ca­lumpit, Bulacan habang tugis naman ang lider ng grupo na si Ray­mond Do­min­guez na nag­maneho ng Mitsu­bishi Montero na may pla­kang ZSB-740.

Ayon kina P/Chief Insp. Julius Caesar Mana at P/Supt. David Poklay, ang grupo ng mga suspek ay sangkot sa panghahayjak ng oil tanker sa South Luzon Expressway noong Nob­yembre 27 kung saan dinala ang kargamento sa bayan ng Marilao, Bu­lacan.

 Napag-alamang din na sangkot ang grupo na nag­pa­panggap na mga pulis sa serye ng highway robbery sa North Luzon Expressway. Boy Cruz