Sanggol natusta sa sunog

ANTIPOLO CITY , Philippines  — Napaaga ang salubong ni kamatayan sa isang sanggol na lalaki makaraang natusta sa nasusunog na bahay kahapon ng madaling-araw sa Purok Sepina, Sitio Langhaya sa Barangay Dela Paz, Antipolo City, Rizal. Bandang ala-una y medya nang maganap ang sunog kung saan nakulong si Mark Jade Chavez habang sugatan nailigtas ang dalawa nitong utol na sina John Kenneth, 3 at John Rafael, 4. Sa ulat ng Antipolo police, lumilitaw na iniwan ng inang si Evelyn Chavez ang kanyang tatlong anak na natutulog para hanapin ang asawa na sinasabing nakikipag-inuman ng alak sa mga kaibigan. Nang bumalik si Evelyn ay nasusunog na ang kanyang tahanan na sinasabing nagmula sa gaserang natabig ng isa sa kanyang anak. Danilo Garcia