Joaquin sa congressional race sa Laguna

LAGUNA, Philippines - Kahit umiiral ang sinasabing maruming sistema ng pulitika sa Laguna ay sasabak pa rin sa May 2010 elections si da­ting Congresswoman Uli­ran Joaquin sa congressional race sa 1st district.

Buong tapang na ipina­hayag ng kampo ni Joan­quin, na sa kabila na gu­ma­gamit ng maruming taktika ang kalaban nito sa pul­i­tika, mananaig pa rin aniya ang katotohanan.

Nabatid na makaka­laban ni Joaquin ay ang actor na si Rep. Dan Fer­nandez, na sinasabing dehado kaya nagpapa­labas ng mga black propaganda laban sa una.

Matatandaan na si Fer­nandez ay pinatalsik sa pagiging kongresista, dahil sa long overdue residency na isinampa sa House of Representatives Electoral Tribunal, subalit muli itong na re-elect noong 2007 eleksyon.

 Nabatid na si Joaquin ay tatlong beses na nahalal bilang congresswoman, subalit kinasuhan ito ng mga kalaban sa pulitika dahil hindi aniya ito nag­sasabi ng totoo sa kanyang birth certificate at isa aniya itong Chinese national.

Gayon pa man, ayon sa kampo ni Joaquin, nare­solba na ang isyung ito at ibinasura ang rekla­ mo subalit ginagamit ng kan­yang mga kalaban sa puli­tika upang i-disqualified siya sa May 2010 elections.