MANILA, Philippines - Binaril at napatay sa harapan ng kaniyang tatlong anak ang isang rebel-returnee ng mga dati nitong kasamahang New People’s Army sa bahagi ng Sitio Barobo, Brgy. Dagohoy, sa bayan ng Talaingod, Davao del Norte kamakalawa. Lumilitaw sa police report na bandang alas-2 ng hapon nang pasukin ang bahay ni Efren Obaton, 32, saka isinagawa ang pamamaslang ng grupo ni Kumander Ian ng Guerilla Front 35 ng NPA rebs. Joy Cantos