Farm ng ex-police director ni-raid
MANILA, Philippines - Iba’t ibang malalakas na kalibre ng baril, bala at pampasabog ang nasamsam ng mga awtoridad makaraang salakayin ang farm house ng dating Maguindanao police director sa isinagawang operasyon sa Barangay Katico, President Quirino, Sultan Kudarat kamakalawa.
Sa police report na nakarating sa Camp Crame, bandang alas-6:45 ng umaga nang salakayin ang farm house ni ret. P/Supt. Piang Adam Sr. base sa bisa ng search warrant na inisyu ni Judge Francis Palmoner Jr. ng Kidapawan City Regional Trial Court Branch 17.
Narekober ang 2 granada, isang round ng bala para sa cal. 380, colt M16 A, caliber 5.56mm, 13-steel short magazines, gayundin ang isang plastic short magazine, 2 bandolier, kulay pulang Toyota pick-up (SHA 433) at isang Isuzu police vehicle. Joy Cantos
- Latest
- Trending
