Anak binihag ng ama

MANILA, Philippines - Nailigtas ng mga awto­ridad ang isang dalawang-taong gulang na batang lalaki na tinangkang pa­tayin ng sarili nitong ama na umano’y may dipe­ren­sya sa pag-iisip sa Lagong­long, Misamis Oriental kama­kalawa.

Kinilala ang nasagip na biktima na si Darwin Ortiz na muntik ng mapatay ng ama nitong si Roger, 35 anyos.

Batay sa report ng Police Regional Office-10, naga­nap ang insidente sa taha­nan nina Ortiz sa Sitio Dako, Barangay Manaol, Lagong­long dakong alas-7:00 ng umaga.

Ayon sa imbestigasyon, bigla na lamang sinung­ga­ban ni Roger at tinutu­kan ng itak si Darwin.

Mabilis namang nagres­ponde ang mga awtoridad at matapos ang pitong oras na negosasyon ay mapaya­pang napasuko ang suspek.

Nailigtas naman ang bata na nag-iiyak sa matinding takot sa ama na umano’y dumaranas ng kapansanan sa pag-iisip. Joy Cantos