Minahan sumabog, 1 patay

MANILA, Philippines - Nagutay ang katawan ng isang minero habang apat pa ang malubhang nasu­gatan makaraang yanigin ng malakas na pagsabog ang isang operasyon ng isang small scale mining sa Imel­da, Zamboanga Sibu­gay nitong Huwebes ng gabi.

Kinilala ni Police Regional Office 9 Director Chief Supt. Angel Sunglao ang nasawing biktima na si Evan Tulabing.

Nagtamo naman ng multiple degree burns sa iba’t-ibang bahagi ng katawan sina Edwin Nagar, Jessie Tinay, Ramil Artiola at Boyet Banda.

Batay sa imbestigasyon, sinabi ni Sunglao na nang­yari ang pagsabog sa Coal Mining ni Jose Dagpin, residente ng Dipolog City sa bisinidad ng Barangay Lum­bog sa Imelda bandang alas -6:20 ng gabi.

Nagkakabit ng kuryente sa loob ng tunnel ang mga minero nang sumingaw ang gas sa loob nito.

Bunsod nito, isang ma­lakas na pagsabog ang uma­lingawngaw na suma­pul sa katawan ni Tulabing habang mabilis namang isinugod sa pagamutan ang apat nitong kasama­han. Joy Cantos